in Poesie (Poesie vernacolari)
Il Redentore del 1954
Ricordo ancora con nostalgia
prima dea festa del Redentor
a casa xe preparava, con euforia,
paste e fasioi peperonata e saor.
E dopo de corsa in fondamenta,
per tenir el posto su eà riva più bea.
Eà gente girava feice e contenta,
mio pare arivava portando eà toea.
Mia mare el magnar e queo che serve
e noialtri fioi co e careghe in testa.
Eà gente che canta, che bala, che beve,
per tuta eà Giudecca ghe gera na festa.
Tuto el Canal xe impegnio de barche
co i baoni impissai e tute inghirlandae
de figure de luce e piene de frasche,
eà gente rideva... che grande cantae!.
Se stua i fanai, se sente un boto in cieo,
comincia i foghi e eà gente co eà testa in sù
i varda disendo: " Hooo mama che beo
eà sembra eà corona del nostro Gesù
I foghi pareva ghirlande de fiori,
el rosso col verde faseva un bel sogo
iluminando Venesia de mie colori
el Canal dea Giudecca pareva de fogo.
Tre boti anunciava che eà vesta xe finia,
tra el sacro el profano xe finio Redentor
eà gente pian pian xe alsa e va via,
questo ricordo me resta nel cuor.
Commenta