Uh Maronna mia,
ma vide tu ogge qua' appuncundrìa!
Fòre, acqua e viénto,
dìnto, 'na musciarìa.
Pure 'o sole pare ca 'o veco 'ianco e smuórto;
annascunnúto arèto 'e nuvole,
s'è miso pur'isso a quarantena.
Si nun fosse pe' l'addore 'e terra 'nfosa
e pe' 'sti quatto margarite 'int' 'o ciardino,
'stu juórno foss' 'a soccia 'e Sant'Ambruos',
quanno hê 'a tene' pe' fforza 'ncuollo 'o mantesino.
Ma a mmé che me ne 'mporta?
Io me ne stongo a casa,
me vaso 'n'ata vota 'e piccerelle,
'n'uocchio 'o tengo 'jittato 'ncopp' 'a cafettèra
e cu' chill'atu me guardo 'nnammurato 'o core mio.
Tanto, ogge o dimàne, 'o ssaccio ca po' tràse 'a primmavera!
RESTIAMO A CASA
Uh Madonna mia,
ma tu guarda oggi che malinconia!
Fuori, acqua e vento,
in casa, è uno scoramento.
Anche il sole mi pare di vederlo pallido e smunto;
nascosto fra le nuvole, si è messo anche lui in quarantena.
Se non fosse per l'odore della terra bagnata
e per queste quattro margherite nel giardino,
questo giorno parrebbe quello di Sant'Ambrogio,
quando sei costretto ad indossare la mantellina.
Ma a me che cosa importa?
Io me ne resto a casa,
mi bacio un'altra volta le bambine,
con un occhio controllo la caffettiera
e con quell'altro mi guardo innamorato la mia amata.
Tanto, oggi o domani, lo so che poi arriverà la primavera.
Commenta