Scheda Autore

Poesie di Luigi Panero De Leua

2 di 5
in Poesie ()

E man povie

Zù da-u nïu, chêuitu a tâera,
cume in frutu tröpu mêuju,
ö passuettu ch'ho in te man.

E che sbatte fa ö sò chêu!

Stè mâe man
ninte i trêuva, propriu ninte
pè ridöghe, a-ö passuottin,
sciù ö seren di rami verdi
ö tepù de l'ötu nïu...

Ma che pövie, ö mâe Segnû,
queste man, queste mâe man!
Luigi Panero De Leua
Crea la tua Immagine
Vota la poesia: Commenta
    in Poesie ()

    U chêu se löva in tì

    Antigu ruxentò di bui mâe veggi,
    du pussu, da-u prufundu, quant'argentu
    sciù ti purtovi a-u cödu sô de l'ortu.
    Aûa l'è cesson u viaggiu tò cuntentu
    sutta e rame du fïgu stancu e stortu.

    Ma mì sempre muntò frescu te sentu
    cume da l'umbra spessa du mâe mortu
    tempu, e pin d'âegua duçe, quetu e lentu...

    e-u chêu se löva in tì, cun gran cunfortu,
    antigu ruxentò di mâe bui veggi.
    Luigi Panero De Leua
    Crea la tua Immagine
    Vota la poesia: Commenta
      in Poesie ()

      Triste seja de mazzu

      In çima da stradda,
      rasente e gramegne,
      celeste runduina
      vââe vegne, va e vegne.

      Tra pocu baixina:
      a seja de mazzu
      l'è neigra, l'è triste:
      ti senti? U spruina
      sciù e cexe de l'ortu,
      survia a menta du rian.
      Intanto, ciù lenta,
      a passa e-a ripassa
      a stessa runduina.

      Finché vegne nêutte,
      e ciù spessu chïna
      u velu d'âeguetta
      che-u bagna ogni cösa...
      Luigi Panero De Leua
      Crea la tua Immagine
      Vota la poesia: Commenta
        in Poesie ()

        Ciantu de campanin

        In lentu spruin:
        perlette da-u çê
        sciù e çime di pin
        sciù e secche zinestre

        scù e cexe a-i zermin
        a-i ciuffi du brugu
        a-e sciue cü vin,
        sciù a poxe du boscu...

        e-u passa oxellin
        cun'öe bagnâe e stanche:
        ghe sun lumassin
        che i fan prucessciun.

        Silenzio divin:
        se sente, ogni tantu
        luntan campanin
        che-u cianze, che-u cianze,

        da-i munti, cianin...
        Luigi Panero De Leua
        Crea la tua Immagine
        Vota la poesia: Commenta
          in Poesie ()

          Chêu stancu

          Zà pe-u boscu pendalocchi
          mette a cianta de ninsêue;
          fin frevò, l'invérnu méue
          e-u s'ingianca l'amanduetta
          de pissetti e lëgi fiocchi

          "Vegne a nêuva primaveja,
          sveggia sveggia amigu chêu,
          tempu bùn rispunta anchêu
          pè rimette in mô a barchetta
          e dò a-u ventu a. Noscia veja!...

          Ma u chêu toxe cume prïa,
          drentu stancu de passon.
          Luigi Panero De Leua
          Crea la tua Immagine
          Vota la poesia: Commenta
            in Poesie ()

            In nïo d'inverno

            De vitta l'è privo
            in nïo lasciù
            tra-i rami de l'erboi
            che fêuggia n'àn ciù.

            In nïo che persa
            l'à festa de becchi
            d'êuggetti e ciumin:
            fï d'erbe con stecchi!

            L'è forse de ciante,
            -che ciù batte ö pêu-
            cosccì solo e triste,
            piccin freïdo chêu?

            Da i rami, de inverno,
            perché, grande Dio,
            perché nö ti strappi
            d'oxelli ogni nïo!
            Luigi Panero De Leua
            Crea la tua Immagine
            Vota la poesia: Commenta
              in Poesie ()

              In canêu de cruxi

              In tempu, quande
              a l'âeu frescu
              de verde zuentù,
              pensovu che-a cruxe
              fuise in regallu
              dâetu a chì sulu
              l'è, quale sun mì:
              n'axevu magùn....

              e-in giurnu a-u munte
              sulu andaxevu,
              pe-u chêu purtò
              a cianze fra e sciue
              celesti da çima,

              l'è stâetu alûa
              ch'ò vistu, da l'ötu,
              sciù e chà du mâe paise
              de cruxi in canëu...
              Luigi Panero De Leua
              Crea la tua Immagine
              Vota la poesia: Commenta
                in Poesie ()

                Bònanêutte

                Fâeto tutto a son de stelle
                benché in po' zà camuòn d'anni:
                ma perché vestïme a lutto
                pè a mâe morta primaveja?

                Ciù ch'êuxaevo Dio m'à offerto,
                denton porpa ò d'ogni frûta,
                ciù godüo che sofferto:
                vegne seja? Bònanêutte!

                Bònanêutte e cuccio queto,
                poche prïe in çima ä pansa,
                solo d'erba in bon tappeto
                e-o taxì, là, di Massocchi!....

                Ma perché vestïme a lutto?
                Zà vivuo ò, dopotutto!
                Luigi Panero De Leua
                Crea la tua Immagine
                Vota la poesia: Commenta
                  in Poesie ()

                  E çertu a guaiò

                  Luntan mâe figgiu,
                  se mai cazzu maòtu
                  a dïme vegne de quandu
                  a te cuntovu e föe
                  andando pè möe.

                  E de vixite antïgue
                  che-u se faxeva in ti boschi
                  i giurni de stâe
                  intanto che föe
                  i cantöva e çigöe.

                  E di russi meietti
                  che-i se chêuggiva d'ottubre
                  in çerti sciti sarvâeghi
                  e sciue i paxeva
                  appese sciù e rame
                  tra fêugge cö rame.

                  E-a mì porta poi
                  brocche curme d'âegua d'ortu,
                  pè smursò drentu l'arsùa
                  che sempre gh'ò avùa:

                  e nêuve forse a riaviò,
                  e çertu a guaiò!
                  Luigi Panero De Leua
                  Crea la tua Immagine
                  Vota la poesia: Commenta
                    1 - 2 - 3 - 4 - 5  
                    Leggi qualcosa di nuovoScopri Tutti gli Argomenti

                    PensieriParole Magazine