Questo sito contribuisce alla audience di
Scritta da: Enzo Cangiano

'O frate e 'a sora

Ma ch'è succieso, 'o cielo
chesta sera è accussì russo;
vuo' vedè ca forse 'o sole
tenesse un po' la luna di traverso.
A luna, puntualmente s'affacciaje
e dicette: "Io nun c'azzecco proprio
cu' stà storia, ma nun vedite
comme songa chiena".
E po', c'a faccia tosta ca nse trova,
dicette: "Mo nce parl' io cu chillo
piezz'e fucuso".
"Ma ch'e passato, tu ajere stive
tanto bello", le domandai
così a suo fratello.
E isso, calmannose nu poco
respunnette: "Sto stanco sora mia,
ma c'aggia fa, chiù 'e chello
ca faccio d'a matin'a sera:
je allummo, scarfo a vierno,
nce asciutt'e panne stise,
quann'è 'a stagione nce faccio
piglià pure 'a tintarella,
nce metto impegno,
ma nce sta na cosa ca' nun me riesce:
je vulesse ca pe' ricunuscenza,
'a gente se vulesse bene overamente;
invec''e penza' ognuno 'e fatti suoje,
ca dessero 'na mano a chi ha bisogno;
invece 'e se fa' 'a guerra frat'e frate
penzasser'a stà 'npace l'uno cu ll'ato;
capisce, sora mia, che me turmenta?"
"'0 ssaccio, caro frato, 'o ssaccio bbuono"
nce respunnett'a luna a copp'a mano;
"e si vedisse chello ca vec'jo,
tutt'e rammagge ca se fann'e notte,
furti, rapine, appicceche e delitte.
Che t'aggia dì, embe', tieni raggione,
ma in fondo nuje che 'nce putimmo fa?
Facimmo comm'a che munn'è munno,
tu 'e juorno trase dint'e core generuse,
je 'a notte me guvern'e'nnammurate;
mo vatt'a repusà, cà ce penz'je,
diman' è 'n'atu juorno, jamm'annanza
ca' 'll'urdem'a murì è semp'a speranza."
Composta venerdì 14 maggio 2010

Immagini con frasi

    document.write('');window.__cmpWait(function(){document.getElementById("singlequote-ad").className+=" adsbygoogle";pp.jss("//pagead2.googlesyndication.com/pagead/js/adsbygoogle.js?client=ca-pub-3821133970955797","googleadsjs",0,{crossorigin:"anonymous"});(window.adsbygoogle=window.adsbygoogle||[]).push({})})

    Info

    Scritta da: Enzo Cangiano

    Commenti

    Invia il tuo commento
    Vota la frase:0.00 in 0 voti

    Disclaimer [leggi/nascondi]

    Guida alla scrittura dei commenti