L'emigrante

"Signu e Peraci e lu viziu me tira
e la granguzza la sacciu minare"
ma nun la mignu pe cose terrene
oro e argiantu un ne vuagliu sapire.

Quattru amici e na sula guagliuna
supra la manu se ponnu cuntare
chissu e chillu ca vuagliu e ru munnu
i sentimenti venuti e ru core.

E cu sa musica vuagliu sperare
ca a vue ve passanu tutti i pensiari
sutta lu vrazzu n'avimu e pigliare
cunta u tiampu e cumincia a zumpare.

C'era nu viacchiu d'avanti u purtune
cuntava storie de tiampi luntani
nu mazzu e carte usava pe dire
chine de nue se potia maritare.

Sutta nu pinu me vorra jettare
chiurere l'uacchi e potire sognare
ca chisse note arrivanu puru
addue lu core sa sulu arrivare.

E cu sa musica ve vuagliu rire
stati leggeri, pensiari vulare
e l'uacchi mii me riempianu u core
mentre a vue ve viru zumpare.

Parre lu viantu e nun parre pe casu
porte li numi di sonaturi
gente partuta cu valigia e cartune
ma pue ricota cu tanti valuri.

Distanze enormi senza misura
sulu nu core le po accurciare
chillu sentutu quann'era criaturu
musica ruce ca nun tene gualu.

E cu sa musica ve vuagliu fare
nu donu immensu da tramandare
u gran dulure e chin'adde partire
a gioia immensa quann'adde tornare.

In tempi antichi, il pedacese era visto come ... [segue »]