Poesie di Raffaele Pisani

Saccio nu posto

Saccio nu posto addò 'e penziere mieie
spazie celeste trovano,
addò tutte 'e ncanteseme d "e ffate
vènciono 'o scuro.
Saccio nu posto ca me dà 'o prufumo
d" o mare,
ca da 'e prate
me porta 'addore 'e l'èvera nuvella,
addò io campo
nu palmo 'a terra
e 'o spuorco nun me tocca
e nè l'amaro
me scippa ll'uocchie.
Saccio nu posto ch'è
cònnola 'e suonne.
Saccio nu posto
ca me dà pace
comme dà pace sulo na chiesiella
sperza 'e campagna,
nu posto addò stu core 'e ogni pecché
trova 'a risposta
e trova,
primma 'e tutte ll'ati ccose,
ragione e genio 'e vita.
Vicino a te.

Dedica:

Alla mia Francesca.

Ha partecipato al concorso

VIIº concorso letterario internazionale di PensieriParole

Francè (Francesca) - Dialetto napoletano

Chesti poesie d'ammore
nun so' parole, so' penziere 'e sole
ca 'a dint'a ll'uocchie doce ca tu tiene
pigliano luce
e dint' 'e tratte appassiunate tuoie
trovano tutt' 'o bene
ca genio 'e vita dà a 'sta vita stanca.
Chesti poesie d'ammore
so' gocce 'e luna int'a na notte cupa,
songo acqua chiara dint'a nu deserto,
songo 'e surrise 'e n'angelo
ca stelletelle culurate mette
dint'a nu cielo 'e chiummo.
Chesti poesie d'ammore
ca tu, France', 'a tant'anne me faie scrivere,
fanno 'e stu core ca nun era niente
'a cònnola 'e nu suonno,
fanno d' 'o gelo ca me turmentava
na primmavera nova,
e chesta primmavera
fa 'e na speranza antica na certezza.


Queste poesie d'amore
non sono parole, sono pensieri di sole
che dagli occhi dolci che tu hai
si illuminano di luce
e nei tuoi lineamenti appassionati
trovano tutto il bene
che desiderio di vita dona a questa vita mia stanca.
Queste poesie d'amore
sono gocce di luna nell'oscurità della notte,
sono acqua chiara in un deserto,
sono i sorrisi di un angelo
che cuce stelline colorate
in un cielo di piombo.
Queste poesie d'amore
che tu, Francesca, da tanti anni mi fai scrivere,
trasformano questo mio cuore che non era niente
in una culla di sogno,
trasformano il gelo che mi tormentava
in una nuova primavera,
e questa primavera
trasforma un'antica speranza in certezza.

Ha partecipato al concorso

VIIº concorso letterario internazionale di PensieriParole

Cenetaa a capo mulini (Acireale, Catania)

'A luna chiena dint "o cielo blu,
a mare, int" o silenzio, na lampara,
e tu, goccia d'estate, int'a sti braccia.

Dedica:

A Francesca.

L'albero tuio

Cammina
sott "o sole d'austo
e curre
ncopp" arena cucente,
e quanno
nemmeno 'o mare te darrà frischezza,
e quanno
stanca te sentarraie
e guliosa 'e cuiete,
viene e reposete
sott'a chest'ombra,
io so' l'albero tuio.

Dedica:

A Francesca.

Lampadine fulminate

Avarria vuluto attuorno
meno chiacchiere e cchiù fatte,
na città cu' na cuscienzia
e no uommene distratte.

Ma pecchè 'a malincunia
d"a munnezza ammuntunata
ha dda accidere e atterrà
l'allerezza d'ogni strata?

Ma pecchè nun ce sta genio
'e guardà nu poco nnante
fravecanno cose overe
senza cchiù parlà a vvacante?

Putarriamo tutte 'e ccose
accuncià pe' nu dimane
ch'abbagliasse ogni paese.
Frate mieie napulitane,

v'avarria vuluto fuoco
e no cennere stutata,
na surgente d'acqua chiara
e no lota nfracetata.

V'avarria vuluto stelle,
comme 'e stelle 'e cchiù allummate,
tutte luce d'oro e no
lampadine fulminate!