Chêu spersu
Sciamettu d'oxelli
neigri, che u passa,
u branca i tuccchi
da veggia campöna,
se i porta cun lë.
E tutta morta
a resta l'oja,
e l'erbui nùi
i trema adoxiu
e-a nêutte i spâeta.
L'üa l'è qûeta,
tantu che-u chêu
se trêuva spersu
e-u çerca in segnu,
appena ìn-a ciuma,
inturnu de vitta.
Vota la poesia: Commenta Breve tempesta
Mô che-u mugugna,
ventu che-u sbatte
porte e barcui,
quindi gran trui,
lampi in ta nêutte,
âegua da-u çê.
E tosto s'issa
oudû de tâera,
d'erbe bagnâe.
Prestu però
turna tranquillu
sciù questa riva:
u canta u grillu
e nivue i s'orve,
e stelle a mille
da-u çê i ribrilla,
e-i m'intran in chêu.
Vota la poesia: Commenta Aütunu a Lêua
L'aütunu chi sempre
figgiêu l'è descösu
ch-u va, lerfe russe
de mòe du rian.
Pè l'oja stan gusse
de frescu: l'oudû
di funxi: de l'öve
i sciammi e-i travagli:
e-i scciassi passaggi
d'oxelli, che-i vegne
chissà da quali paixi,
e-i rema, in po' stanchi
pe-in çê celeste
che l'à gianchi balùi
de nivue tranquille,
ma foscia in po' tristi.
Vota la poesia: Commenta Campussànti in Rivèa
Campusànti da Rivèa,
cuppe de ventu:
u ghe fa sempre lamentu
sciusciandu vuxi
che-i tucca e tumbe
e-i boxia e cruxi.
E l'erba sëa
ghe po', verde, lungu e miagge:
e-u sû pösa lègie pagge
d'öu tra i rami
di cipressi, dunde pàssue
i sfreccia a sciami.
Ciancia d'oxelli
se mescia a-u ventu:
luxe u cuntentu
in questi porti
che-i tegne streiti,
e-in poxe, i morti.
Vota la poesia: Commenta Cianze
Du rianettu in mezzu a-e prïe,
in te l’âegua de cristallu,
gh’è de raeine u rangugnò.
Foscia fêua in pò u baixina:
çertu a nêutte a l’è d’inciostru:
ma u barcun a n’êuggiu arvì…
A sentì staggu e raeinètte
che zù i canta i sò lamenti,
e-u me pioxe de suffrì.
U me pioxe punze drentu
cun l’aguggia di rigordi
e infin cianze, da figgiêu!
Vota la poesia: Commenta E föe du scïtu zerbu
Anche se invernu
u scïtu zerbu
a mì disceva:
"Vegne, te cantu
antiche föe."
Spessa quertetta
d'erbe, pë miagge
lèllue e poi buschi
de mèi e sciorbe,
sô a fï e oxelli.
Sulu e sarvaêgu
in tì a restòvu
a lungu, e persu
in mô d'incantu,
o scïtu zerbu,
anche se invernu!
Vota la poesia: Commenta Bestia stanca
Cume mì, tempu fa, questu cagnettu
l'ëa tuttu i-na frasca e sätettin
e sempre ti vegghevi u sò cuin
a-u ventu drïtu, giancu ciumassettu.
Aûa poviu cumpagnu, mâe bestin,
l'à persu de zuentù tantu frixettu,
ciù de l'amû nu çerca u fenuggettu,
e-u dorme e-u dorme drentu de-in cestin.
Anche mi me sun fâetu bestia stanca,
ò persu di vent'äni nastri e pissi,
e-a succa diventò l'è tutta gianca,
e sulu i sun rigordu i belli rissi,
che-u chêu, quarch'otta, drentu triste u branca,
poviu chêu sensa luxe de caprissi.
Vota la poesia: Commenta Bònanêutte
Fâeto tutto a son de stelle
benché in po' zà camuòn d'anni:
ma perché vestïme a lutto
pè a mâe morta primaveja?
Ciù ch'êuxaevo Dio m'à offerto,
denton porpa ò d'ogni frûta,
ciù godüo che sofferto:
vegne seja? Bònanêutte!
Bònanêutte e cuccio queto,
poche prïe in çima ä pansa,
solo d'erba in bon tappeto
e-o taxì, là, di Massocchi!....
Ma perché vestïme a lutto?
Zà vivuo ò, dopotutto!
Vota la poesia: Commenta Aütunu a Lêua
L’aütunu chi sempre
figgiêu l’è descösu
ch-u va, lerfe russe
de mòe du rian.
Pè l’oja stan gusse
de frescu: l’oudû
di funxi: de l’öve
i sciammi e-i travaggi.
E-i scciassi passaggi
d’oxelli, che-i vegne
chissà da quali paixi,
e-i rema, in po’ stanchi
pe-in çê celeste
che l’à gianchi balùi
de nivue tranquille,
ma foscia in po’ tristi.
Vota la poesia: Commenta Appena a me desciu
U cantu di oxelli
l'è cume de gusse
che-i ciêuve da l'ötu
de una funtòna.
In cantu d'oxelli
che-u vegne da-u verde
de ciante in risveggiu,
da-u çê celestìn.
Oh! Canto d'oxelli,
recami de frescu,
appena me desciu
de tì a me vestu,
de tì mi incuraggiu.
Vota la poesia: Commenta Ultimi argomenti inseriti