Songo n'artista ma nisciuno se ne addona… 'A gente penza 'e me ca so' falluto, senza sapè ca songo n'artista cu 'nu core 'e velluto. Parole belle, tante emozioni, chesta 'e a specialità mia, ca tiro fore cu tanto ammore e fantasia. Nun voglio l'applauso e ne 'a mondanità, me basta 'e purtà 'o core mio a chi cchiù se po' cunzulà. Cu tutto 'o core scrivo chesti parole, speranno ca 'e liegge tu ca si' speciale… Ammore, pace e alleria, cu l'arte tutto addeventa na bella melodia. Quanno si' artista nun tieni bisogno 'e fa' rummore, te basta 'e purtà calore a chi se nutre cu l'ammore.
Comm'è triste 'o Natale senza 'na mamma, addo' pure 'o fuoco nun te scarf'; addo' pure 'a cumpagnia te mette pecuntria. 'Nu Natale addo' nun ce sta' regal' ca te fa cuntent: si' scuntent dint' 'o core.'Nu Natale senza 'na mamma, è comm' 'a terra senza sole. E' comm' 'a notte senza luna. E' 'nu Natale ca se rire e se pazzea, ma 'o care chiagne, pecchè nun trova calore. M'arricordo quanno 'a Natale stev' 'nzieme 'a mamma mia, addo' nun teniv' niente, ma senza sapè, teniv' tutt'cose. Comm' fosse bell' 'nu Natale accussì, addo' ce stev' 'o bene, e surrisi e 'a bona cumpagnia… 'Nu Natale addo' nun ce stev 'a tecnologia, ma eram' cchiù felici e co' core chin' 'ra alleria.
'A famiglia è bella quanno tutti stanno nzieme, no sulo pè fà nummero o pè abitudine, ma pè se trasmetterè o bbene è a pace... 'A famiglia è bella quanno tutt'song'eugale, no quanno ce stanno figli e figliastri... Quanno tuttì nzieme so pront'a da "na mano a chi sta cchiù scamazzat. Fosse tropp'bell'sì na famiglia rimanesse sempe comm'era dint" a fancullezza... Addò nun esistevano sang'estraneo... Addo"à nisciuno se permettevà e mettere legge. 'A famiglia è'o core dà società, e adda rimanè sempe bella e doce comm'à nu babbà.
Murzillo mio, nuje ca ce spartimmò o suonno è a fantasia, rimanenno sempe nzieme, miez "a tempesta e quanno ce stà o sole... Nuje ca tra nu pizzeco è na carezza, jammo annanze cu mille incertezze, sempe astritte core e core... Ricuordatello ca tu pe me sì statà nu raggiò e sole miez'o scuro dà tristezza e dà pecuntria: si" a mmericin dò core mio, quanno è affranto e sofferente. Continuamm'a fa danzà chisti duje core, cà pè tramente s'appiccicano poi fanno pace... Nun damme arett'o male e a tendenza dò mument: facimme parlà l'aneme nuoste, ca sanno assapurà sulo l'essenza... Murzillo mio, sì cchiù doce dò doce: sì a vera bellezza... chella dò core. M'arraccumanno, continua a me fa luce miez "a tutt'chistu scuro, e nun te scurdà cà si" o murzillo cchiù sapurito ca ce stà.
Quanno veco a te me passa tutt'cos'... Cu chill'uocchie doci, cu chella vucchellà e rosa, me fai passà'o ngazzamient'e a collera. Quanno veco a te, me scord "e l'ingiustizià e chesta società: sì na ricarica pè o core... Che poter tene l'ammore... Che granda forza teneno duje corè nnammurate. 'O Signore m'ha fattò nu grand'regalo, a me fa incuntrà cu te, facenneme assapurà'o doce e l'amaro. Quanno veco a te, l'uocchie mie brillano: sì bell'comm'a na rosà e maggio... Sì nu murzillo doce e sapurito... Quanno veco a te, vecò a parte bell'd" o munno ca ce stà, ca me da sempè a forzà e tirà'a campà.
‘O cane è ‘o meglio cumpagno nuoste…. Nun ce abbandona all’improvviso, comm’ fanno l’uommn; Nun se ne fotte si tien ‘e sord, ‘o potere e ‘a cassaforte: s’accuntenta do’ bbene e da’ presenza. Te sta vicino dint’ ‘o bbene e dint’ ‘o male: è carnale, è fedele, è ‘o ver’ amico… Quanno te guarda cu’ chill’ uocchie doci, t’accarezza l’anema, comm’ a pochi sanno fa. Dint’ a nu’ munno chino ‘e crudeltà, nu’ cumpagno bbuono, è ‘a cosa cchiù bella ca ce stà.
‘A gelusia cchiù fort ‘a tene proprio chi cchiù nun l’essa tenè… Chi mentre te fa na resata, poi ‘nguorpo va’ ‘nfrev si tu brill. So pochi chill’ ca sperano ca tu tuocc ‘e stelle, sapenno ca loro so’ rimasti co culo ‘nterra. È brutt’ a dicere , ma so’ sempe cchiù a gente estranea a te da’ cchiù soddisfazione… Quanno cchiù te so’ stritt ‘e parentala, e meno te fanno ‘a carezza e l’opera ‘e bbene. Comm’ fosse bell’ nu’ munno senza gelusia; nu munno addò ognuno vulesse ‘o bbene ‘e l’at… Addò cammenassemo tutt’ quant’ mane e mane, comm’ ‘a veri frat’ ca si spartesseno ‘o suonno e ‘a fantasia.
Datt’ 'na mossa ca ‘a vita è ‘nu muorzo, e chell’ ca' può fa oggi, dimane nun ‘o può fa. Nun perdere tiempo, pecchè ‘o tiempo è denaro. Ricordate ca ‘a vita nun t’aspetta, continua a scorrere pure senza ‘e te. Nun te fa chiovere ‘nguoll, guardanno ‘a vita ‘e l’àt da ‘a fenesta, comm’ a ‘nu spettatore falluto. Si’ tu ‘o protagonista da vita toia! Nun dà retta ‘e chiacchiere, ‘a mmiria e ‘a gelosia… Si’ comm’ a nu fiore miez’ a tanti spine... E nun te scurdà ‘e fa’ sempe ‘o bbene, pecchè chell’ ca dai te ritorna. Puort’ a cumpiment’ ‘a missione ca ‘o Signore t’ha mannat’, danno ‘nu vero senz’ a chesta vita ca è ‘nu muorzo.
Pure quanno pare ca’ va tutt’ stuorto, quanno pienze ca tutt’ 'e problemi è tiene tu, quanno chi t'avessa da 'a forza, te fernesce 'e scarrupa'… Proprio dint'a chisti mument’ nun ‘e mulla'. ‘O saccio, 'a tristezza ca pruove è tropp’ assaje, ma tu truov ‘a forza pe' fa schiatta' 'a malasciorta. Nun perdere ‘o surriso; nun te fa’ abbattere a chi è funesto… Guard’ a chi porta ‘a luce e 'o surriso…chi cu tutt' ‘e problemi ca tene, continua ‘a fa 'o bbene e porta l'alleria. Percio', m'arraccumanno, nun te ferma: cammina dint' ’o bbene, e quanno vene ‘a malasciorta, fatte 'na risata e falla asci' a chell'ata porta.
Tu ca’ te faje ‘e sorde ncopp ‘o sang ‘e chi fatica pe’ te, ca’ te vere tutt’ ‘e vote ca’ t’abbuff e t’arricchisc’, miettatell ‘a mano ncopp’ ‘a cuscienza. Nun te scurda’ ca’ ‘a morte vene pure pe’ te, e ca’ ‘o taut’ nun è tene ‘e sacche. Perciò, chisti sorde ca’ te fanno sentì ‘o padrone ‘e tutt’cos’, dalli ‘a chi nun tene niente... ‘A chi è povero ‘e denare ma è ricco ‘e core.