Cu 'e penziere mieje

Cu 'e penziere mieje
senza arrepuoso
miezzo all'ate i' cammino.
Pe' nu me fa scuprì
cupo e appucundruto
ogne mumento me travesto
e fingo nu surriso.
Nisciuno sape
ca si dinto so' amariggiato
e 'a fore pare ca rire
nun è pecché 'o tiempo passa
e 'a morte s'avvicina
ma è pecché l'ammore aggiù perduto
e suppurtà chesto, n'omme, nun 'o po'!
Ah quanta senghe s'arapeno ogni juorno
e pe' l'anema po' trase nu male scuro!
Vulisse caccià l'ogne
e te difendere 'a nu nemico
ca nun cunusce, 'a nu nemico
ca nun te guarde dint'a faccia!
E si 'e tutto chesto
a quaccheruno parlasso?
Ma chi me desse aurienzo!
Chi po' sentì
'o rummore forte e cupo
e na vita sulagna ca scarrupa!
Ah putè ncuntrà na femmena
e ce dicere: - Facite assaggià
n'ata goccia d'ammore,
truvà nu poco 'e luce
dint'a l'uocchie vuoste
a chi cchiù niente s'aspetta;
a st'ommo ca cchiù niente le resta
regalatelo si putite
na vrenzula 'e speranza!
E sì, pe' te rassignà
a na vita senz'ammore
nun aviss'a tenè core
e i' 'o tengo .. 'o tengo 'o core!
Angelo Michele Cozza
Vota la poesia: Commenta

    'O viento

    'A do pruvene stu lebèccio
    ca friddo spira e chiacchiareja
    'o pentone 'e sti vie sulitarie?
    Arraggiato e nzisto, appriesso
    se porta tutto chello ca trova,
    p' 'e senche trase d'int'e vasce,
    fronne secche e carte abbandunate
    sorchia e sperde pe' l'aria.
    Arrecietto nun trovano
    chiantulelle appena chiantato,
    'e rammere tremmulejano scujetate,
    d ' 'a albere scippa fronne a palate.
    Luntano addò sta 'o mare
    l'onne se fanno argentate,
    cu nu rummore cupo e surdo,
    arrivate ncopp'e scoglie,
    spumma e schizzi a cchiù nun dico
    menano p' 'e l'aria.
    Viento fatto lièggio,
    nun frangere sti barche spaventate,
    srareca 'a paura 'a dint'o core
    d ' 'a gente miezz 'o mare!
    Ferma stu scioscia scioscia
    ca capricciuso nun dà pace,
    abbrucato e senza ammuine
    cunzegnato a 'o Pataterno
    ca cchisà d ' 'a dò t'ha mannato!
    Oje viento, cchiù nun te sento..
    Addò ti si annacuso?
    Tutto mo s'è accujetato!
    Overo 'e perso 'o sciato?
    E allora statto buono scrianzato,
    ce sentimmo n'ata jurnata!
    Angelo Michele Cozza
    Vota la poesia: Commenta

      Ncrucianno 'a morte

      Mmiezz'a via cammenanno
      quanta vote, senza vulerlo,
      l'uocchie ncopp'a nu manifesto
      burdate 'a lutto sò cadute!
      Do' dèceduto, sbiadito
      nun nomme scunusciuto
      appena se leggeva.
      Cu 'o core,
      senza dicere niente a nusciuno,
      spisso po' aggio pensato:
      Comm 'a n'amico fedele,
      d ' 'a matina a' sera,  
      aspettanno d'int'a l'ombra,
      pronta pe' ce abbraccià,
      senza parlà, da che munno
      è munno, 'a morte ce accunpagna!
      Sempe a l'erta, maje stanca,
      comm'a na sentinella essa ce spia
      e vede chello ca facimmo!
      Na distrazione, na malatia
      so tutto occasione bone
      pe' ce correre ncuntro
      e ce carrià…. all'atu munno!
      Quanno all'appuntamento
      puntuale s'appresenta
      avvellutata comm'a na sposa
      e ce piglia sott 'o vraccio,
      vestute 'e niro, festa le facimmo :
      sciure, musica, cerròggene,
      corteo, marmo e lacreme d'alta qualità
      per essa sò sempe pronte.
      Nu juorno addò uno
      nu juorno addò nato
      sempe trova che ffà
      e maje,  'a spasso stà!
      Àneme, senza sciato,
      trasporta in quantità!
      A' mità autunno,
      quann'a malincunia,
      piglia pure a ' lu tiempo,
      pe' st'impegno custanto
      ca essa teno pe' tutto l'anno,
      ggente 'e tutto specie,
      buone e malamente,
      addulurata ma devota
      â casa soje và a visità!
      'A casa soje?
      E chi nun 'a cunosce!
      'A casa soje
      è addò stanno chillo
      ca cchiù nun ce stanno,
      là, addò 'a poco,
      mpruvvisamento
      nu juorno scarugnato
      pure papà mio se ne juto!
      Parlà d 'a morte pe' chi è vivo,
      arricurdarse  'e tutto chello
      c'avimmo perduto,
      na bella cosa nun è,
      e, si a Essa ce penzammo buono
      'a pella s'arriccia
      e dint'a nu mumento
      tutta 'a vita se fa scura!
      Siente all'ora,
      ch'hai abbisogno 'e luce
      e accussì a lu surriso
      e 'a carezza d' 'a speranza
      'o core corre e se cunsegna
      pe' putè cu ànemo e curaggio
      affruntà chello ca primmo
      o doppo puro l'aspetta!
      Ah 'a ggente, 'a ggente
      ca smania e se ammuïna,
      ca fa finta e nun sapè
      ca nterra o d'int'a na cappella,
      cunsignato a nu scunusciuto,
      comme si non fossemo maje stato
      abbandunato d' 'a vita
      lasciate po' venimmo!
      Doppe tantu tiempo
      chi maje cercarrà nutizie 'e nuje,
      che rumarrà maje
      d' 'a superbia e d' 'a mmiria nosta
      quanno passata 'a chianozza
      d 'ô tiempo, metuto d' 'a fauce
      d' a morte, polvere tutt'aguale
      l'Eterno nce arriduce!
      Angelo Michele Cozza
      Vota la poesia: Commenta

        'A Vita

        'A vita
        Mpapucchiato d' 'a speranza
        'e dimane l'ommo parla,
        senza arricietto e cu mille smanie
        scetanneso ogni matina
        fa discorse pè tutt' 'a vita;
        appriesso a lli staggione
        cu'o core'ncantato
        se ne va annamurato
        a spasso p' 'o munno,
        si mentre corre o passea
        pè suspirà se ferma,
        nfilato'o filo d' 'a fantasia,
        si nun arricama suonne
        cose o arrepezza pruggetto.
        Maje cuntento, maje sazio,
        si spenn' 'a putega d' 'a vanità,
        'e cose s'arrobbe cu l'uocchie:
        'a meglia rrobb' 'a vò p'isso!
        Si s'affiata cu na femmena,
        s'accatta figlie ca danno penziere.
        Saglie, scenno,
        corre mmiezzo all'anne
        ca passano fujenno;
        cu na smania d'alleria
        pe'luntano part' 'e pressa
        affruntann'a vita;
        cu curaggio aspetta,
        ca chissà, si pè na vota
        nu suonno suoje s'avvera!
        Nu bello juorno,
        a ntrasatto, senza sciato
        annanz' ' a na sagliuta,
        a quatt'uocchie, po' c'appura?
        Appura ca'na fronna secca
        è addeventato! Nu filo'e vita
        appena l'rummane!
        Senza parlà, appucundruto
        s'arritira dint'a n'angulo scuro
        e, pigliannes'a vita comme veno,
        là, aspetta ca nu colpo'e viento,
        senza scrupulo e pietà,
        luntano s' 'o porta
        dint'a nu fuosse cupo!
        Comm'a tutto chesto
        'e vvote aggio pensato!
        Mo'o saccio, o'veco, 'o sento
        ca tutt'o rummore da vita,
        mo pe'uno, mo pè n'ato,
        sulo silenzio po' addiventa;
        sciuè sciuè, a vita s'accucciuleja
        comm'a nu cane ca s'arretira
        doppo tanta abbajo,
        tale e quale a'o rummore
        'e na banda ca scassea
        d'int'a strada'e nu paese,
        ca quann'a sunat' 'o gran finale,
        moggia moggia, zitto zitto,
        s'alluntana e, cchiù nun sona!
        Angelo Michele Cozza
        Vota la poesia: Commenta

          Si dispera e pesticcia il bambino

          Si dispera e pesticcia il bambino
          il palloncino appena ricevuto in dono
          sfuggitogli dalle dita è volato via
          -di che colore era? - ancora si chiede.
          Attaccate ad un filo, transienti
          quante cose in un niente
          la vita con uno strappo ci sottrae.
          Pulsa il tempo e complotta sparizioni,
          del pensiero dell'attimo prima
          nulla ci resta, non una minima traccia
          persiste sui sedimenti del ricordo,
          molti estinti annovera la memoria
          allo scroscio dei giorni e delle ore,
          silenzi di sincope s'immillano
          al muto distaccarti da ombre.
          Si buccina che nessun possesso
          sia sicuro, che ogni certezza sia momentanea
          che la speranza fugga prima di essere degustata
          che l'illusione sia piuma al vento.
          Finché si può, tra fiotti si galleggia
          un vortice, poi, inesorabile, nient'altro.
          Angelo Michele Cozza
          Vota la poesia: Commenta
            Questo sito contribuisce alla audience di