Si ve parlo pe' nu mumento pure si nun ve n'accurgite stù core, pòvero viecchio appriesso gióvene ve corre, si stà abbatuto e strutte pur'a ll'erta torna e 'nzìsto ve guarda dint'a faccia! Comm'a nu vrasiere isso s'appiccia e vuje... ncoppo ce sciusciàte! Pure si vulite ammmischià'e carte so accussì ovèro sti cose ca ì rimmango frasturnato attuorno ve giro comm'a Terra gira attuorno'o Sole e si na parola dòce me dìcite niente cchiù capisco v'assicuro! 'Ntramènte facite repiglià sustanza a sta vita mia appassita na canzóne ca nun sentìte "Ve vòglio bene assaje..." 'nzùccarato nu melione'e vòte ve canto core a core. Nisciuno abbaglio belle e buono: fuoco'e paglia nun è: verace è tutto overo! Nun se stagne st'àmmore ca scórre'a dint'o core! Tuccàtelo, tuccàtelo e dìcite: è ovèro, sì, sì è isso e tu me vuò bene assàje!
Commenti