Li frati
Si dici ca li frati
si trovanu o cunventu
e sunnu accumunati
d' un sulu sintimentu.
La carità pilusa
ca li fa stari 'nsemi
sulu pirchì si usa
senza 'autri prublemi.
Li frati chiddi veri
appena maritati
diventanu spraveri
di chiddi arrabbiati.
Nun sannu cà 'ntrà i vini
ci scurri u stissu sangu
si fannu li caini
'ntrà i vini ci hannu u fangu.
Nun mi diciti pazzu
si dicu o munnu 'nteru
'ncà megghiu un munacazzu
a un frati chiddu veru!
Composta sabato 14 dicembre 1968
Immagini con frasi
Consigliati
Ultimi argomenti inseriti
Commenti