Albur
L'è incantevul
al silensi di toe oc
intant ch'el ciel
l'arviv al respir
dla matina.
L'aria
inturn'al coer
l'è invisibila
cm'en prufeum pena fiurì
ma l'as cnos
cm'en vul sparpagnà
ad nuoli celesti.
Lentament
a vedi rinverdir
i nostar gest
fat ad lusz incora neuva
cme cal dè
c'as siom arcurdà
ad vardaras
intant ch'el sul
fastand
al sa spusava.
Immagini con frasi
Consigliati
Ultimi argomenti inseriti
Commenti