Poesie di Nino Testa

Questo autore lo trovi anche in Frasi & Aforismi, in Racconti e in Frasi per ogni occasione.

Scritta da: toti

Lu pisci di lu mari

Ammatula talliffi e fai cannuola,
ammatula 'ncueti i Sinatura,
ammatula simini la scagghiuola
lu Santu è di marmiru e nun sura!

Finiù lu tempu di lu pigghia e porta,
di li pinsati novi originali,
lu tempu d' un esisti d' un importa
e di li tutti vecchi a lu Finali!

Fineru i tempi belli di schiticchi,
di li ballitti e di li sciampagnati!
Ora ci su' cutugna, c' è cuticchi,
e cunti ca nun tornanu, sbagliati!

Lu pisci di lu mari è distinatu,
e chi un sapi reggiri u timuni
fora da varca veni sballuttatu
e resta a bucca asciutta, di minchiuni!

'Ntrà vita s 'avi ad essiri prudenti;
magari si a furtuna tanti voti
aiuta sulu chiddi strafuttenti,
ma nun ti lassa oscuru li divoti!
Nino Testa
Composta martedì 12 ottobre 1971
Vota la poesia: Commenta
    Scritta da: toti

    Quistioni di titulu

    Un jornu a la Pritura,
    un celbri avvucatu,
    difisi 'nà signura
    cu tuttu lu sò ciatu!

    Sta donna bedda in tuttu
    e senza nudda tacca,
    un certu farabuttu
    la difinì "La vacca"!

    Jeu vogghiu ca stu tiziu
    ti venga cunnannatu,
    cusì si lev u viziu
    di fari u scanazzatu!

    Allura lu Prituri
    a vita lu cunnanna
    pirchì affruntò l' onuri!
    e Chiddu ci dumanna:

    "si dugnu ad una vacca
    lu nomu di signura,
    vossia chi fa, m' attacca?
    mi manna a la malura?"

    Pi chistu nun c' è pena
    ci fannu i difinsura:
    e nesci di la scena
    chiamannula "Signura"!
    Nino Testa
    Composta domenica 5 dicembre 1971
    Vota la poesia: Commenta
      Scritta da: toti

      La donna e a stivaletta

      Pi a picciotta o a signuruna
      va di moda a stivaletta;
      l' omu porta i pantaluna
      a jttalli a cu ci aspetta?
      Ogni fimmina di oggi
      nura, simplici o truccata
      fa firmari tutti i roggi
      puru 'mezzu la nuttata.
      Munta supra a bicicletta,
      lu muturi e lu cavaddu;
      l' uomu guarda, chi disdetta
      un po fari chiù lu jaddu.
      Va a cavaddu tantu beni
      megghiu di lu sessu forti!
      T' addulcisci tutti i peni
      e arrisuscita li morti.
      Vuoli libiru l' amuri,
      aburtiri cu la liggi,
      partu senza lu duluri
      e lu Cristu ca sò effigi!
      Una cosa ancora unnavi
      la bacchetta du cumannu
      pi putiri fari schiavi
      tutti l' uomini, chi vannu!
      Nino Testa
      Composta mercoledì 16 aprile 1975
      Vota la poesia: Commenta
        Scritta da: toti

        La pruvvidenza

        La pruvvidenza è tutta tutta strati,
        mi dissi, mè cummari, sutta vuci:
        strati latini, strati strammiddati,
        strati alluminati e senza luci!

        A cu ci presta tutta la sò firi,
        ci arriva quannu menu si l' aspetta;
        e certi voti, mancu si ci criri,
        di comu si prisenta e tantu 'n fretta.

        Arriva sutta forma di malatu,
        o di visitaturi o di parrinu,
        sutta l' aspettu d' orbu o di sciancatu
        oppuru sutta forma d 'inquilinu!

        Fiducia, dunqui, aviti a Pruvvidenza,
        fiducia custanti e illimitata,
        sinnò vi fà nutari la sò assenza
        e vi sintiti sempri sfurtunata!
        Nino Testa
        Composta mercoledì 23 agosto 1967
        Vota la poesia: Commenta
          Scritta da: toti

          Lu maistru pinsiunatu

          Doppu aviri travagghiatu
          pi tant' anni cu gran lena,
          lu maistru è cungidatu,
          nesci mutu di la scena!

          Comu veni cumpinsatu?
          La risposta fa gran pena!
          Veni sulu ricurdatu
          pi qualch' annu appena appena!

          Ma l' alunnu, lu scularu
          nun l' ha mai diminticatu
          lu ricordu è sempri caru
          sempri vivu e rispittatu.

          L' avvucatu, lu dutturi,
          lu nutaru e u spiziali
          si ricordanu cu amuri
          l' insignanti di vucali!

          forsi chistu è lu chiù granni
          di cunforti di stu mummu,
          li ripaga di l' affanni
          lu ricordu 'chiù prufunnu!
          Nino Testa
          Composta sabato 3 marzo 1979
          Vota la poesia: Commenta
            Questo sito contribuisce alla audience di