Scritta da: LUCIANO SOMMA

'O bbenè e nu cane

E' 'o meglio amico, 'o meglio cunfidente,
me sape fa' na bbona cumpagnia;
quanno le parlo isso me tene mente
appizza 'e rrecchie e guarda 'a faccia mia.

'Stanotte, all'intrasatto, m'ha parlato,
napulitano cchiu' 'e nu vasciajuolo,
e i' so' rimasto tanto 'mpressiunato
che d "a paura sto' tremmanno ancora.

M'ha ditto: Neh, padro', quanto si fesso
a nun capi' ca 'o munno e' malamente,
te lusinghe 'e sta' 'nzieme 'a ggente onesta
e' invece songhe 'a scumma d" e fetiente.

Ormaje ha perzo "e lumme d" a raggione
e va facenno sulo scemita ";
addo' sta' cchiu' nu pizzeco 'e passione
nu surzo 'e sentimento, 'e carita'?

Io so' nu cane 'e razza! Cane 'e caccia!
Ma nun levo 'o saluto a nu bastardo
'o dongo l'osse meie e nun 'o scaccio
me putarria magna' mentr'isso guarda?

" E vvote tu me vatte e io te perdono
dimme, che ce vulesse a muzzeca "?
Vuje uommene 'o tenite chistu dono?
V" a putite scurda' na 'nfamita'?

Vall'a truva' 'ncopp'a sta terra n'ommo
ca se facesse accidere pe' nato;
invece io te pruteggo pure 'o suonno
e zompo "ncuollo a chi cu tte" ha sgarrato.

Padro', pircio' perdoname si 'e vvote
io faccio cose che n'avessa fa'
ma si pure me lazzarie 'e mazzate,
io acalo "a capa e resto sempe cca".

Ricuordate: Tu staje dint'a stu core,
nu core ca nun sape maje "nganna",
e si m'astrigne io 'nfaccia a tte assaporo,
cu' n'alleccata, ogni felicita'.
Luciano Somma
Vota la poesia: Commenta
    Scritta da: LUCIANO SOMMA

    Cronaca

    E tutt "e juorne 'a stessa tiritera
    Sule disgrazie maie nutizie allere
    Uommene accise spisso a tradimento
    Senza pietà, senz'ombra 'e pentimento.
    'A droga, 'o cuntrabbando, l'estorsione,
    s'allargano pe' tutt" e vvie d "o munno
    pe' tutt" e rrazze e tutt "e religgione,
    st'umanità va sempe cchiù a zeffunno!
    Qua' Pasca, Quà Natale ccà è n'inferno
    Manche dint" e cunviente ce stà pace
    Chisà che sta facenno "o Pataterno
    Vurria saperlo pe" me fa capace.
    Ma forze nun ci'azzecca simme nuie
    C'avimmo perzo 'o bbene d "a cuscienza
    'mpietto tenimmo 'o ffele ca ce struie
    E 'a mmeritammo chesta sufferenza.
    'A vita è dono 'e Dio diceva 'o nonno,
    povero viecchio comme se sbagliava,
    chesti criature d'ogge comme ponno
    campà comme na vota se campava.
    Ogge chesto hadda scrivere" o pueta
    Senza truvà né pace né arricietto
    Si guarda annanze e si s'avota areto
    Nun po "truvà nisciuno atu suggetto.
    'Ncopp" a nu foglio 'e carta 'nfuso 'e chianto
    Mette 'a cronaca d'ogge pecch'è storia
    "e chisti vierze nun se ne fà vanto
    So" sultanto parole senza gloria!
    Luciano Somma
    Vota la poesia: Commenta

      Cristo napulitano

      Ce site state maje
      dint'a sttu vascio
      sgarrupato e viecchio
      scavato dint "e pprete
      addò l'ummedità trase 'int" all'osse.
      Ce site state maje
      dint'a nu vascio?
      Na tavula tarlata
      cu' quatto segge 'e paglia
      na branda militare
      n'armadio rusecato
      e 'a famma, tanta famma,
      patuta juorno pe' ghiuorno,
      pe' quanno po' durà nu calannario
      accumminciata già quanno se nasce
      sufferta e ogne mumento 'e stu calvario.
      Cristo che campa
      senza cchiù Dio
      stanco d "a vita
      stanco d" a morte
      stanco...
      Sempe accussì
      'a primma 'e Masaniello,
      l'unica nuvità
      è na televisione
      che fa vedè ricchezze scanusciute
      case, cummedità, magnà, visone...
      Ce site state maje
      dint'a nu vascio?
      Guagliune annure, femmene ammusciate,
      puzza d'ummedità, tanfo 'e sudore,
      nu pizzeco 'int "o core, nu squallore.
      Chest' è ancor'ogge Napule,
      'o mare, 'o sole, 'a vita assaie luntano
      e 'a croce ch'è pesante
      p" o Cristo senza Dio Napulitano.
      Luciano Somma
      Composta martedì 10 marzo 2009
      Vota la poesia: Commenta
        Questo sito contribuisce alla audience di