Bella indifferente e cuntegnosa

Bella indifferente e cuntegnosa
c'abbiénte a st'ànema mia nun daje
'ntuppo e scuse sempe astipato tiene
si st'ammore mio chiù vicino te vene!
'E neve, senza sgarrà na vote,
comme fosse cosa'e niente, sèmpe
'Bene, nun te ne voglio! ' me dice!
-'Taratà, taratì, taratà,
va'o conte a n'ata, ì nun ce credo!-
chissà quanta vote l'he penzato
e puro ì me n'aggio addunato
ca d'int'a capa toja sulo me cuffìe!
Si nun vedesso e nun sentesso
chi se n'addunarrja ca tutta fantasia
è chello ca frusciànnemo
'a uocchie apierto me sonno?
Certo, si me l'addumandasso
giurà te putesso st'ammore
ma si fosse fauzo: che prova fosse?
Na mano appuoje invece sicuro
ncopp'a stu core nfucato
e po'... sustiene ca nun è overo!
No, nun me fa arricurdà
(ma tu tienilo'a mente! )
quanta vote aggio tuzzuliato
'a stu core tuoje ca nun sente
pè quantu tiempo speruto
aggio spiato l'uocchie tuoje
pe ve leggere nfunno
mezza riga d'ammore!
Ombra e luce, nun te faje tuccà
viento e fummo nun te faje afferrà
speranze a n'appuntamento
nun te faje truvà, 'o ragiunà
'a quanno bene te voglio
nun saccio cchiù che d'è!
N'aggio cunsumato penne e carta
n'aggio strutto parole culurate
quanta doce se fatto amaro
pè te dicero sempe'a stessa cosa!
A mme fa suffrì accussì, a mme dà
parpete smanie e nun me fa durmì
tu che ce guadagno,
che convenienza ce truove?
Si me vuò fa murì accussì
fa pure ì... nun dico niente,
fa puro, ma nun tricà!
Fa quanno chiù ambressa può!
'Mpesa, pè sfizio tuoje
dimane chiù nun me fa spantecà!
Angelo Michele Cozza
Vota la poesia: Commenta

    'A fantasia

    Quann' 'a  fantasia
    te vene a truvà,
    si avveluto
    e scuntento te siento,
    comm' 'a nu buono amico
    essa te stenno 'e mmane
    e, cu nu surriso, affussanno
    tutt' 'e malincunie
    ca pace nun danno
    a l'anima toje,
    nziemm' ' a essa
    luntano te porta
    cu 'o penziero zumpettianno
    commm’a chillo ‘e nu guaglione
    pe' nu cielo chino  'e  stelle
    addo stanno tutte 'e cose belle
    ca vita annasconno e nun te dà!
    "Cammina, cammina
    appriesso a me,  vide là
    quanta lucente nce stà!"
    Vulisse  afferrà chelli cose
    ca fanno brillà l'uocchie tuoje
    primma ca scumpareno
    e te scurdà, pe'  nu  mumento,
    'o  scuntento  d' 'o  ccampà!
    Sicuro può stà,
    priate 'o core pò cantà
    fino a quanno essa
    te stenne 'a mano!
    Ma comme dint' 'a  vita
    spisso succede
    'o tiempe tuoje è passato,
    cu n'ata appuntamento ha pigliato:
    t'addà lassà, ma quantu bene
    dint’ô prufunno t' ha fatto già!
    Angelo Michele Cozza
    Vota la poesia: Commenta

      'A malincunia

      Nce stà na cosa c'abbrucia,
      nera comm'a pece
      cchiù azzeccosa d' 'a   colla,
      tosta comm'a na preta,
      coce e luce nun fa, 'a vita,  
      'a  parte ddò lustro nu' ff 'avutà!
      Quanno arriva pe' sfizio se ntalléa,
      s'abbotte e nun se sazia:
      ‘o core tutto, te siente arrusecà!
      Nfame sta sempe appustata!
      Zitto, senza te ne fa addunà,
      s'accosta cu nu passo felpato:
      pàffete, te zompe ncuollo
      e sbattuto  pe' terra te fa truvà!
      Tutte l'ombre passano:
      essa, cucciuta là rimmane!
      Comm'a l'acqua trase
      pe'  tutt' 'e pertuse ca trova
      nfunno scenne, scavà,
      s'annasconno e, fetosa  rimmano!
      Sta cosa ca mette all'anima
      lli ppene, sapite ched'è?
      E' 'a malincunia!
      Avite voglie 'e  nzerrà  'a  porta!
      Si addà  trasì,  
      tuzzulea cchiù forte;
      ustinata se fa sentì!
      Ve chiamma cu cierti strille!
      Santo p' 'a scuraggià
      nun ce ne stanno...
      se nun schiarisce, ll'avit' arrapì!
      Angelo Michele Cozza
      Vota la poesia: Commenta

        Si stu core nu juorno...

        Si stu core nu juorno
        pe' na priezza
        cagnasse culore,
        si na matina 'e primmavera
        cantanno e siscanno se mettesso
        annuro quanno esce 'o sole,
        si uocchie affatturate e belle
        cu buscie nun le parlassero,
        si scetannemo nun truvasso
        'e stesse penziere senza speranza,
        si nun truvasso 'o stesso dulore
        s'arapesso pe' n'ora 'o canciello
        'e stu carcere scuro!
        Currenno e zumpettianno
        chi m'acchiappasso cchiù!
        Pe' suspirà manco me fermasso!
        P' 'a mmiria o pe' paura
        ca nun fosse overo, v'assicura
        ca manco v ' 'o dicesso!
        Angelo Michele Cozza
        Vota la poesia: Commenta

          Amore, amore

          Amore, amore
          macigno o piuma
          adagiata sul cuore
          voluttà e perdizione
          incrocio di desideri
          rotta per quieta ansa
          sei vita e sei morte!
          Sbocci e rinsecchisci
          tra le stagioni del cuore
          l'animo risorgi e affossi
          illudi e deludi un volto.
          Mai pago, esigente
          prendi dai e fuggi via
          clamori e silenzi
          nelle ore edaci fecondi.
          Limpido un giorno
          tempesta un altro
          tra lenti e assidui flussi
          aduli e rinfranchi
          impaurite speranze.
          Candore, impurità
          mano aperta, pugno
          stupore che candisci
          promessa ti accompagni
          ai passeggeri del mondo.
          Mai voce morta
          sveglio sempre ti ascolto
          e pur nel sonno ti ritrovo!
          Resta quanto puoi
          sulla scena di questa vita
          mia non immortale
          altri palpiti scrivi
          in una compiuta storia:
          su un seccato legno
          un po' di fresco verde
          resti ancora odoroso.
          Angelo Michele Cozza
          Vota la poesia: Commenta
            Questo sito contribuisce alla audience di